ISO-17025

აკრედიტაცია ISO 17025:2017/2018 სტანდარტის შესაბამისად

აკრედიტაცია არის საგამოცდო და საკალიბრებელი ან სხვა ტიპის  იურიდიული ან ფიზიკური პირის (შესაბამისობის შემფასებელი ორგანოს - შშო) ოფიციალური აღიარება, რომლის საფუძველზეც დადასტურებულია მისი კომპეტენცია აკრედიტაციის სქემით დადგენილ მოთხოვნების და  შესაბამისობის შეფასების ღონისძიებების განხორციელებაში, მოთხოვნილი აკრედიტაციის სფეროს ფარგლებში.

აკრედიტაციის სისტემა უზრუნველყოფს შესაბამისობის შეფასების პროცესების საერთაშორისო და ევროპული სტანდარტების მოთხოვნებს, რაც მათი საქმიანობის საერთაშორისო დონეზე აღიარების საფუძველია.

აკრედიტაციის სისტემა ხელს უწყობს ლაბორატორიების მიმართ ნდობის გაზრდას და ხელშეწყობას საქმიანობაში. მოთხოვნები აკრედიტებული პირის მიმართ და კვალიფიკაციის მიღებული აღიარება  საშუალებას აძლევს მათ წარმოადგინონ თავიანთი კომპეტენტურობა.

აკრედიტაციის სისტემაში ჩართული ლაბორატორიები,  ზოგადად მოქმედებენ ISO 9001-ის პრინციპების შესაბამისად და ლაბორატორიისგან მოითხოვს ქმედებების დაგეგმვას, მათ განხორციელებას რისკებისა და შესაძლებლობების დასადგენად. რისკების და შესაძლებლობების გათვალისწინება ზრდის მენეჯმენტის სისტემის ეფექტურობას, გაუმჯობესებული შედეგების მიღწევასა და უარყოფითი შედეგების თავიდან აცილებას.

რისკებისა და შესაძლებლობების დადგენაზე პასუხისმგებელია ლაბორატორია.

აკრედიტებული პირის სტატუსის მიღება  ხელს უწყობს ლაბორატორიებსა და სხვა ორგანოებს შორის თანამშრომლობას და დაეხმარება ინფორმაციისა და გამოცდილების გაზიარების, სტანდარტებისა და პროცედურების ჰარმონიზაციის პროცესს. ქვეყნებს შორის შედეგების აღიარება მხარდაჭერილი იქნება თუ ლაბორატორია შეესაბამება აკრედიტებული პირის სტატუსს და რეგულარულად მონაწილეობს საკვალიფიკაციო გამოცდების ლაბორატორიათაშორის შედარებებში.