შპს სტანდარტი

გაზომვები და განუსაზღვრელობა - რატომ და რისთვის.

საქართველოს და ევროკავშირს შორის 27.06.2014 გაფორმებული ასოცირების ხელშეკრულების IV კარის, III ნაწილის, III თავი „ტექნიკური ბარიერები ვაჭრობაში, სტანდარტიზაცია, მეტროლოგია, აკრედიტაცია და შესაბამისობის შეფასება“ მუხლი 44-49 ცალსახად მიუთითებს იმ აუცილებლობისა და პასუხისმგებლობის შესახებ, რაც ჩვენს ქვეყანას, ევროკავშირთან წარმატებული ინტეგრაციისათვის გადასალახი აქვს ამ მიმართულებით.

საქართველო ამ სფეროში თანამშრომლობს სხვადასხვა საერთაშორისო ორგანიზაციებთან მათ შორის:

International Laboratory Accreditation Co-operation (ILAC) - ლაბორატორიების აკრედიტაციის საერთაშორისო თანამშრომლობა;

European Accreditation (EA): European co-operation for Accreditation (EA) - ევროპული აკრედიტაცია: აკრედიტაციის ევროპული თანამშრომლობა;

International Accreditation Forum (IAF)- აკრედიტაციის საერთაშორისო ფორუმი.

ამ ორგანიზაციების მიერ მიღებული სახელმძღვანელო დოკუმენტები, რეზოლუციები, გადაწყვეტილებები და მათ ბაზაზე და გამოცდილებაზე შექმნილი ჩვენს ქვეყნაში მოქმედი ნორმატიული დოკუმენტები, წარმოადგენს საქართველოში მოქმედი აკრედიტაციის ერთიანი სისტემის სამართლებრივ საფუძველს.

როგორც ცნობილია აკრედიტაცია არის შესაბამისობის შეფასების ორგანოს (შშო) კომპეტენციის ოფიციალური აღიარება, მისი მინიჭება ხდება აკრედიტაციის ეროვნული ორგანოს მიერ, რომელიც მოქმედებს საერთაშორისო წესების მიხედვით, სახელმწიფოს მიერ მინიჭებული უფლებამოსილების ფარგლებში.

დღეისათვის აკრედიტაციის ერთიანი ეროვნული ორგანო - საქართველოს აკრედიტაციის ცენტრი (საკ), ზემოთ აღნიშნული საერთაშორისო და ევროპული ორგანიზაციების მიერ აღჭურვილია უფლებამოსილებით მოახდინოს შესაბამისობის შეფასების ორგანოს კომპეტენციის აღიარება შემდეგი მიმართულებებით:

· საგამოცდო და საკალიბრებელი ლაბორატორიები;

· სამედიცინო ლაბორატორიები;

· პროდუქტის სერტიფიკაციის ორგანოები;

· პერსონალის სერტიფიკაციის ორგანოები;

· მენეჯმენტის სისტემის აუდიტის და სერტიფიკაციის ორგანოები;

· ინსპექტირების ორგანოები: (მათ შორის: ასს-ს ტესტირების ცენტრები და დაკანონებული გაზომვის საშუალებების დამამოწმებელი პირები);

· საკვალიფიკაციო ტესტირების მიმწოდებელი ორგანოები.

ჩვენი ფეისბუქ გვერდის standartprovider შექმნის ერთ-ერთი მიზანია სხვადასხვა სფეროს საკვალიფიკაციო ტესტირების მიმწოდებელი, საგამოცდო და საკალიბრებელი ლაბორატორიებისათვის, პროდუქტისა და პერსონალის სერტიფიკაციის ორგანოებისათვის დახმარების აღმოჩენა აკრედიტებული პირის სტატუსის მიღების და ფუნქციონირების ეტაპზე. ასევე მნიშვნელოვანია ხელშეწყობა, სახელმწიფო და კომერციული სტრუქტურის სამეწარმეო, სავაჭრო და მომსახურების სექტორის მეწარმეთათვის სწავლების, მეტროლოგიური აუდიტისა და მონაცემთა დამუშავების ამოცანებში.